Vox Populi, Vox Dei – “Zëri i popullit, zëri i Zotit.”
“Unë thjesht e barazoj demokracinë me politikën, duke e përcaktuar demokracinë, si aspektin politik të Shpirtërores, si gatishmëri të Frymës ndaj politikes…” ka thënë Thomas Mann
Kjo shprehje latine nënkupton se kur një popull shpreh vullnetin e tij në mënyrë të vendosur, por paqësore, ai zë bëhet një forcë drejtuese, të cilën udhëheqësit duhet ta dëgjojnë e respektojnë.
Sot, kur populli grek ka dalë në protestë paqësore, pikërisht kjo moto reflekton kuptimin e vërtetë të demokracisë: të kërkosh të drejta, përgjegjësi apo reforma, pa dhunë e nën frymën e dialogut publik. Një protestë paqësore tregon pjekuri qytetare dhe forcë morale, pasi mbështetet tek argumenti e liria e shprehjes, jo tek frika apo dhuna.
Në këtë këndvështrim, “Vox populi, vox Dei” jo vetëm që pasqyron vullnetin e shumicës, por krijon dhe një përgjegjësi të madhe: ata që dëshirojnë të dëgjohen, duhet të flasin qartë e pa mllef, ndërsa ata që kanë pushtetin, duhet të jenë të hapur ndaj kërkesave të drejta. Ashtu siç nënkupton vetë shprehja, zëri i popullit është një zë i lartë ndërgjegjeje dhe drejtësie, i cili, kur mbahet me vendosmëri dhe paqe, ka fuqi të sjellë ndryshime domethënëse në shoqëri.
Erald Fejzulla
@NewsIn.Al
