NATASHA LAKO ( Në kohë të tjera shumë vite më parë)
Dashurinë tënde shkruaj
Sa pak, sa pak një fletë e bardhë,
për të shkruar dashurinë tënde,
kur në qiellin e hapur pareshtur,
zogjtë me fluturimin e tyre shkruajnë,
fjalë që vetëm ne i dimë,
dhe unë, dashurinë tënde shkruaj,
kur pemët, fjalë që i besojmë,
vetëm ne të dy, pëshpërisin,
dhe unë dashurinë tënde shkruaj,
kur lumenjtë gëryejnë tokën e lashtë,
për të gdhendur fjalën time të pafundme për ty.
Sa pak dinim të thoshim në një fletë të vogël.
@NewsIn.Al
