Dritan Goxhaj: Dorëheqja e Edi Ramës është kërkesa e parë dhe e panegociueshme e protestës
Dritan Goxhaj deklaroi se protesta ka vendosur si kërkesë kryesore largimin e Kryeministrit Edi Rama dhe të qeverisë aktuale, duke e cilësuar atë si një kusht të panegociueshëm.
Duke lexuar deklaratën e grupit koordinues, Goxhaj tha se kërkesa për dorëheqjen e Ramës buron nga propozimet dhe qëndrimet e qytetarëve të mbledhur gjatë 22 ditëve të protestës.
Sipas tij, protestuesit kërkojnë hapjen e një faze të re politike në vend, e cila do të nisë me largimin e qeverisë aktuale dhe krijimin e një qeverie teknike tranzitore.
“Kërkesa e parë është dorëheqja e panegociueshme e Kryeministrit dhe e qeverisë”, deklaroi Goxhaj para protestuesve, duke theksuar se organizatorët do të vazhdojnë protestën deri në realizimin e objektivave të shpallura.
Ai shtoi se lëvizja mbetet e vendosur në rrugën e protestës paqësore dhe demokratike, ndërsa kërkesat e saj i cilësoi si të qarta, legjitime dhe të dala nga vullneti i qytetarëve.(Vatani News)
@NewsIn.Al
