Një tjetër sukses për komunitetin shqiptaro-amerikan në Shtetet e Bashkuara. Fotini Kokeri është nderuar me çmimin prestigjioz “Business Partner of the Year” në Tampa Bay, Florida.
Çmimi iu dha më 29 gusht 2026, gjatë ceremonisë së 11-të vjetore të Tampa Bay Area Chiefs of Police Foundation, ku u vlerësuan individë dhe partnerë që kanë dhënë kontribut në mbështetje të sigurisë, mirëqenies dhe zhvillimit të komunitetit.
Mes të nderuarve ishte edhe Fotini Allteni Kokeri, e cila u vlerësua për bashkëpunimin dhe mbështetjen e saj ndaj strukturave që punojnë në shërbim të qytetarëve.
Ky vlerësim vjen si një dëshmi e angazhimit të saj të vazhdueshëm dhe e marrëdhënieve të ndërtuara ndër vite me komunitetin dhe institucionet lokale.
Për shqiptarët në Shtetet e Bashkuara, çmimi përbën një moment krenarie, duke sjellë në vëmendje kontributin e komunitetit shqiptaro-amerikan në jetën publike dhe shoqërore amerikane.
Rrugëtimi i Fotini Allteni Kokerit, nga rrënjët shqiptare te suksesi në Shtetet e Bashkuara, është një shembull i përkushtimit dhe punës së vazhdueshme për të ndërtuar një emër dhe për të dhënë kontribut në komunitetin ku jeton.
Çmimi “Business Partner of the Year” i shtohet kështu arritjeve të saj dhe shënon një tjetër moment të rëndësishëm në rrugëtimin profesional dhe qytetar të saj.
Në një rrëfim për ZëmeMirën Podcast Fotini Kokeri ka treguar historinë e saj. E gjeni të plotë në kanalin në Youtube #mirakazhani
@NewsIn.Al
