Gjykata Kushtetuese rrëzoi më 30 dhjetor 2024 kërkesën e Pëllumb Gjokës kundër vendimeve për caktimin dhe vazhdimin e masës së sigurimit personal. Çështja lidhej edhe me komunikimet në platformën SKY ECC.
SKY ECC dhe vlerësimi i provave
Sipas buletinit zyrtar të Gjykatës, në gjykimin në themel kërkuesi mund të kundërshtojë ligjshmërinë dhe përdorshmërinë e këtyre komunikimeve. Vlerësimi i provave u takon gjykatave të zakonshme.
Njoftimi i Gjykatës Kushtetuese, 30 dhjetor 2024
Sot, më 30.12.2024, Gjykata Kushtetuese mori në shqyrtim çështjen me kërkues Pëllumb Gjoka dhe me objekt: “ Shfuqizimi i vendimeve nr. 94, datë 23.07.2023 të Gjykatës së Posaçme të Shkallës së Parë për Korrupsionin dhe Krimin e Organizuar;nr. 97, datë 29.07.2023 të Gjykatës së Posaçme të Shkallës së Parë për Korrupsionin dhe Krimin e Organizuar; nr. 38, datë 31.08.2023 të Gjykatës së Posaçme të Apelit për Korrupsionin dhe Krim in e Organizuar; nr. 00-2023-2238 (364), datë 22.12.2023, të Kolegjit Penal të Gjykatës së Lartë, si të papajtueshëm me Kushtetutën e Republikës së Shqipërisë, për pjesën që kanë disponuar për caktimin dhe vazhdimin e masës së sigurimit personal “Arresti në burg” ndaj kërkuesit.Shfuqizimi ishkronjave “a” dhe “b” të pikës 1 dhe i pikës 4 të nenit 6, si dhe i pikës 2 të nenit 42 të ligjit nr. 95/2016, datë 06.10.2016 “Për organizimin dhe funksionimin e institucioneve për të luftuar korrupsionin dhe krimin e organizuar”, të ndryshuar, si të papajtueshme me Kushtetutën e Republikës Shqipërisë, për shkak se cenojnë pavarësinë dhe paanësinë e gjykatësve të posaçëm.”.
Në përfundim të shqyrtimit të çështjes, Gjykata, bazuar në nenet 72 e vijues të ligjit nr. 8577, datë 10.02.2000 “Për organizimin dhe funksionimin e Gjykatës Kushtetuese të Republikës së Shqipërisë”, të ndryshuar, vendosi, njëzëri, rrëzimin e kërkesës.
Vendimi përfundimtar do të shpallet i arsyetuar brenda afateve ligjore të parashikuara nga ligji nr. 8577, datë 10.02.2000 “Për organizimin dhe funksionimin e Gjykatës Kushtetuese të Republikës së Shqipërisë”, i ndryshuar dhe nga Rregullorja për Procedurat Gjyqësore të Gjykatës Kushtetuese.
Saktësim redaksional, 6 nëntor 2026: Titulli dhe hyrja u saktësuan për të dalluar rrëzimin e ankimit nga një lejim i përgjithshëm i provave SKY ECC.
Burim: Buletini zyrtar i Gjykatës Kushtetuese, nëntor–dhjetor 2024, vendimi nr. 86.
@NewsIn.Al
