“I KAM VRARE 300 GJERMANE”
Tek çezma jonë ., ndënë fshat
Vjen një gjerman, vet’ fillikat.
S’doli kush ti bënte pritë,
Si të vinte, për një vizitë
Arti i luftes, qënka shkencë
Na pushtoi fshatin, pa rezistencë
#
Mbasi fshatin ka pushtuar
Aty tek çezma, lan sy e duar
Pi njëher’ ujë, vetëm nje herë,
Dhe krisi iku, e u bë erë,
Por, për ironi të fatit
Harron helmetën, mbi çezm’ të fshatit
#
Çështje e madhe, bëri bujë
Mbeti fshati, keq pa ujë
Duan uje, po kujt ja mban
Ja ësht’ helmetë, por n’ësht’ gjerman?
#
Frikë, frikë, mos e pyet
Mbushëm brekët, vaj medet
Fshati yne, mbahet per trima
Ku ka trima, ka dhe vrima
Prisnim fshehur pas dritares
Se mos vijnë të Çlirimtares
#
Kur një ditë, Bako Çobani
S’dinte gje, kthehej nga stani,
Sheh mbi cezmë një helmet’ gjermani
…-Eh c’kusickë për fasule
Mall gjermani xhan o lule
Merr kusickën, me ne ish fati
Urra!!!….u çlirua fshati
#
U hap nami per Bako trimin
Trim i madh, solli çlirimin
Çoban trim hero i gjallë
Gjermanise i bëri ballë
Dhe e ngritën në piedestal
I dhan’ gradën gjeneral
#
Gjeneral supe spaleta
Bako kusicka helmeta
Dekoratat numuronte
Sa dhe syve s’u besonte
Thoshte shpesh, o dreq o punë
Të jem unë, të mos jem unë
#
Merr medalje, Bako fatlumi
Nga Partia, nga presidiumi
Nga Mehmeti e nga Xhaçka
Mbushur gjoksin plot kapaçka
Mburrnin Bakon, vend pa vend
Gjer i iken, dy fijet mend
Veç dëgjoje, bre miku im
Kur ngre grushtin, e mban fjalim
#
-Unë,-thotë- se njoh rrezikun
Trup me trup, luft’ me armikun
Nga fitorja në fitore
Ndër beteja madheshtore
Ndër beteja e ndër luftime
Shum’ kam vrare, me doren time
Trup me trup, luft’ në Tiranë
Vrava plot, 300 gjermanë
#
Ky esht Bako kapedani
Bako tenxhere gjermani
Bako kusiçka, gjenerali
I brumosur nga ideali
Për ideal jeta i iku
Mbron atdheun nga armiku
Vigjilent ruante telat
Nga armiqt’ e kriminelat
#
Ka vrar’ anti, Enverista
Kapitalista revizionista
Dhe diversanta, dhe tradhëtarë
Se mban mend, sa shum ka vrarë
Sot dëgjova, për katranin
Paska vrare, dhe Hamit Matjanin
Po kërkon,….dhe Met Fidanin
Meti Fidani
@NewsIn.Al
