IPSOS, Kompania për Marketing dhe Hulumtim të Opinionit Publik, një nga kompanitë lider për sondazhe në botë , paraqiti dje në “Open” sondazhin e tretë publik mbi zgjedhjet parlamentare të 25 prillit. 
Është vlerësuar shumë puna e kryeministrit Rama për procesin e vaksinimit, ku më shumë se 68% e të anketuarve shprehen të kënaqur për menaxhimin.
Sipas të anketuarve, (1513 votues) , nga muaji shkurt deri në prill puna e Ramës dhe PS është vlerësuar pozitivisht dhe ka pësuar rritje nga 56 në 64%..
Nga ana tjetër PD me kryetarin Basha ka një rritje nga 30.8 në 35.4%.
Ndërsa për LSI, kurba e ndryshimit është në rënie ku nga 10.3% të votave që kishte në sondazhin e janarit, sot ka shkuar në 5.2%… pra një rënie prej 50% të mbështetësve.
Nëse zgjedhjet do të behesshin këtë të djelë, sipas IPSOS, PS do merrte 48.4% të votave, PD 39.3% dhe LSI 5%…
