Dy kushërinjtë Valter dhe Edlir Mollaj e kanë mohuar krimin, duke thënë në sallën e gjyqit se “Ne nuk kemi faj”.
Mirëpo, autori tjetër, Bleti Angjo, i cili ka qenë i punësuar si çoban tek Valter Mollaj, është pa shkollë dhe nuk dinte as të fliste dhe as nuk kuptonte çfarë bëhej në sallën e gjyqit, ka drejtuar gishtin pikërisht tek 26-vjeçari Valter Mollaj si ekzekutor i krimit.
Ai ka bashkëpunuar me organet duke treguar që të tre të arrestuarit kanë qenë së bashku në mjet kur e kanë marrë nga banesa Martin Çeçon, dhe më pas e kanë çuar drejt rezervuarit ku e kanë mbytur me litar dhe e kanë hedhur në ujë.
Nga ana e saj, edhe Prokuroria ka pretenduar në gjyq se Valter Mollaj ka pasur marrëdhënie me vajzën, dhe sipas Akuzës, ai pretendohet si ekzekutori i të riut.
Kanë mbëritur në Gjykatën e Faktit Korçë 3 të arrestuarit për vrasjen e Martin Çeços, për t’u njohur me masën e sigurisë pas arrestimit në flagrancë. Ata akuzohen për vrasje me paramendim kryer në bashkëpunim, pasi mbytën dhe hodhën në rezervuarin e Kolanecit trupin e viktimës.
Bleti Angjo, Valter Mollaj dhe Edlir Mollaj tentuan të inskenojnë një skenë vetëvrasjeje, duke i lënë shapkat e tij jashtë rezervuarit ku hodhën trupin.
Krimi dyshohet të ketë ndodhur për shkak të lidhjes të 26-vjeçarit me një vajzë, me të cilën ai komunikonte vazhdimisht, ndërkohë që vajza thuhet se kishte krijuar raporte sentimentale edhe me një nga autorët.
@NewsIn.Al
