Ku jetojmë dhe me kë!?Mirë ne, po ç’faj kanë fëmijët tanë që në emër të tyre, flet Ai, Ajo…Ata!
Dhe kush janë këta?!
Hap televizionet e dëgjon biografitë e të gjithëve. Biografi analistësh që sa i dëgjon, e kupton krahun politik nga janë paguar. Aq bajate bëhet kjo sa edhe në studio i ndajnë veç e veç…d.m.th janë ” të pavarur”!
E ndërkohë një qytetari i duhet të zgjedhë, nga
“Kriminelët” e PD, “drogaxhinjtë” e PS “hajdutët” e LSI(PL) sot, “soroistët” e Shoqërisë Civile, për të ndërtuar jetën në këtë vend.
Si nuk ka mbetur një politikan pa “epitet”!
Këta bëjnë ligjet dhe njëkohësisht urdhërojnë zbatuesit e tyre…
Këta janë Ata dhe Ato që vendosin për fëmijët tanë…ata që reklamojnë spitalet brenda vendit, por kurrë nuk i provuan ato…ata që Universitetet ngrejnë lart, por bijtë e tyre i studiojnë jashtë…
Ata edhe ato, që nga askushi u bënë dikushi!
Janë Ataaa, ”përfituesit e përhershëm” të pushteteve, me ligësinë, paaftësinë e makutërinë e tyre, që na e larguan çdo dëshirë…sa herë që ngjallet një shpresë, e një ëndërr përpiqet të zgjohet, dalin në skenë ”molet”… molet që nuk lanë astar xhakete pa shqyer dhe hale pa futur hundët e tyre të neveritshme, vetëm e vetëm që të mbajnë akoma në errësirë Shqipërinë që ata e donin dhe e duan veç për përfitime…
Bëni cfarë të doni në shtëpitë tuaja, bile gëzoni dhe ato që vodhët nga privilegjet, të fituara pa i merituar kurrë, por mos luani me të ardhmen e fëmijëve tanë !
Bëni lojën tuaj të fëlliqur politike, akuzoni njeri- tjetrin, puthuni e pështyhuni, një ditë dhe e keqja do të ketë fund…
Mjaft më!
Na lodhët!
U zvordhitët fare!!!
Nestor Dede – Athinë
@NewsIn . Al
