“Kur shfleton faqet e librit…”/Poezi nga Arben Petro Trebicka
Libri
Njeriu ka nevojë për njerëz,
Qofshin vëllezër, miq e shokë,
Por kur s’gjen si vetja tjetër,
Bëhet libri mik për kokë.
Libri ka përvojën e jetës,
Dhimbje, gaz e dashuri,
Atje mund të gjesh vetveten,
Mund të gjesh tjetër si ty.
Kur shfleton faqet e librit,
Atje gjen tjetër ndjesi,
Sepse gërmat marrin jetë,
Jeta merr kuptim të ri.
Merr një libër dhe do të shohësh,
Merr një tjetër pas atij…,
Brenda teje lumturohesh,
Dhe përreth do të ndjesh ndryshim.
Arben petro trebicka
@NewsIn.Al
