Lufta në Izrael: Gati 3,700 të vdekur në Gaza dhe Izrael – Një tjetër zyrtar i lartë i Hamasit u vra.

Numri i të vdekurve në Rripin e Gazës dhe Bregun Perëndimor ka arritur në 2,383 , sipas burimeve në Ministrinë palestineze të Shëndetësisë.

Në Rripin e Gazës, numri arriti në 2,329 palestinezë të vdekur dhe 9,714 të plagosur, ndërsa në Bregun Perëndimor 54 të vdekur dhe 1,100 të plagosur janë regjistruar që nga 7 tetori, kur filloi konflikti midis Hamasit dhe Izraelit

Në të njëjtën kohë, sipas Izraelit, 1300 njerëz u vranë në sulmet e Hamasit.

Forcat e armatosura izraelite njoftuan mëngjesin e sotëm se kishin vrarë një tjetër organizator të dyshuar të sulmeve në shkallë të gjerë të kryera nga Hamasi në Gaza.

Bilal Al Kendra, komandanti i njësive të Hamasit në Khan Younis, u vra në sulmet ajrore mbrëmë, sipas një deklarate të lëshuar këtë mëngjes nga Forcat e Mbrojtjes së Izraelit (IDF).

Sipas deklaratës izraelite, u vranë edhe terroristë të tjerë të Hamasit dhe Xhihadit Islamik.

@NewsIn.Al