Merru lekët..
E tashmë që rrota u kthye ose më mirë ¨samari” u lidh në anën e duhur ,si funksionojnë te ne përftuesat , operatorët dhe shërbyesat e turizmit .?
⁃ Alo ! Hë erdhën ata … Mos i fut në dhomë …
⁃ Merru lekët ….
⁃ Dëgjova shkarazi në kafe , nga tavolina ngjitur ,një mesoburrë të zeshkët nga puna në diell , që po gjerbte kafen dhe i jepte gruas porositë e welcoming për turistat e pronotuar nga vajza në Angli .Mbylli telefonin mbas dy-tre përpjekjeve , kthey një gllënjkë ujë , fshiu buzët me kurrizin e dorës dhe me tjetrën hodhi vërtik zaret mbi kutinë e tavllës ashtu si çdo ditë me të njëjtin rival ,sfidues bashkëluftëtar e kundërshtar .
⁃ Merru lekët ….
⁃ Ndoshta kjo nuk është e përgjithshmia po është një dukuri që tashmë vërehet e ndodh ,kur shumëkush jep një dhomë ,ka një biznes të stisur dokudo në vite , që përfshihet dhe përfton nga fluksi i sezonit turistik , fiks situata e mëndësi si e kanë kaluar edhe vende të tjera më të zhvilluara se ne . Se kur zë kacidhjari lesh gjithë botën e përqesh !.
⁃ Merru lekët !
Kështu funksionon që nga pika e hyrjes , nga taksia pa taksimetër në funksion . Nga biletat e autobuzit të paguara me lek në dorë .
Kështu funksionon që nga marketi pa kupon tatimor e me çmime super të shtrenjta .
Që nga euro e katandisur 900 l
Pagesa kudo me cash
Nga parkimi mbi ferra e driza e kudo me lek
Që nga shërbimet që sytë e klientave më kot orvaten të kryqizohen me ata të personelit shërbyes .
Deri te tabelat e autostopit për një destinacion më tutje , ndoshta më të lirë , me shance më të mira shërbimi dhe akomodimi .
Po si mund të flasim ne për mikpritje , në vendin me rezerva nga më të mëdhatë ujore në Europë asnjë nuk të ofron e të vë përpara as dhe një gotë ujë .
Shishja e ujit të vogël kudo arriti 1000 l thuaj se e kanë përftuar nga distilimi i ujit të detit.
Lëngu i zi që shërbehet për kafe është pa aromë e shije dhe i njëjtë kudo .Esspreso bouno per Albania
Merru lekët ….
Dhe kur ai që vjen , ikën me ndjesinë që lë dora e tjetrit në xhepin e tij , vështirë të bëhet qorr dhe i vjedhur dhe për një herë të dytë . Fluksi i shtuar në fundjavë në dogana një tjetër tregues që pushuesit shqiptarë me lek ,zgjedhin si ofertë akomoduese dhe shoping në vëndet fqinjë . Të tjerët , familjarët vijnë ngarkuar nga Tirana me çka u nevojitet . Hotelet e shtrenjta përveç mëngjesit që është free nuk i shohin më klientët në restorantet e tyre .
Domosdo që secili që shërben duhet të paguhet po dhe stadi i zhvillimit dhe ofrimi i shërbimit duhet të përmirësohen dhe sinkronizohen me kohën dhe të dallojnë nga viti në vit . Tashmë stadi duhet të kapërcehet e shkalla të ngitet .
Detin , rërën e diellin i ofron dorëhapur dhe pa asnjë lek perëndia .
Po ti ? Një krevat , një kafe , një byrek , një pjatë makarona , një xhiro me skaf .
Përpara se të marrësh lekët sigurohu që ajo që jep të jetë e saktë , që dhe tjetri të ngelet i kënaqur dhe i shërbyer për atë që paguan .
Kujtohu të mirëmbash e të pastrosh jo vetëm ambjentin e brendshëm po dhe atë të përbashkët të biznesit tënd .Të jesh në sinhron me standartet dhe cilësinë që afron koha . Nqs u ndodhe gabimisht apo për të zënë ca lek në vendin e duhur dhe kërkon të bësh të njëjtën gjë si para 20 vitesh thjesht hape krahun . Nuk mund të mbledhësh më lek pa ofruar asgjë .Edhe sa do thërrasësh : -Merru lekët !
Është rrugë e gjatë dhe e pa shkruar të dish si të marrësh lekët ,si të ofrosh super shërbime dhe komoditet dhe të joshësh klientët në biznesin tënd . Po pate cilësi produkti , shpejtësi dhe standart shërbimi , dhe çmime të arsyeshme në ofertën tënde suksesi është i garantuar .
Si mundet të kërkosh pa ofruar asgjë , duke hedhur plerat për tokë dhe ujërat e zeza në det ?
Kurbat në ngritje të treguesve duan shumë punë dhe energji nga viti në vit të mbeten të tilla ,është e vështirë të ngelen në vijë konstante kur kapin tavanin dhe shumë lehtë mund të marrin pikiatën e tatëpjetës .
Samari pa u lidhur mirë mund të vaisë e ta kthejë përmbys barrën e ngarkuar rrugës
Dhe atëherë sëprathi do kujtohemi të ja fillojmë , si ndoth rëndomë , të ja fillojmë përsëri nga e para .
- Arjan Dhimogjoka -Vuno, Himarë.
@newsin.al
