Nga Adi Nova
KAROLINA U VRA E VDEKUR
Vrasja e Karolinës një muaj më pas trondit përsëri opinionin publik grek dhe këtë rradhë sepse burri fatkeq që u dhunua ,grabit e ju vra gruaja në sy të tij e të fëmijës nga gjakatarët e huaj , mundësisht shqiptarë ishte vetë autori i ngjarjes . Ai pranoi pas prezantimit të provave të reja në sajë të teknologjisë së smartfonëve që e kish.mbytur me peshqir sepse ajo kish vendosur të largohej e po kërkonte hotel .
Ajo që nuk u përmend nga shtypi e media është fakti se Karolina kish vdekur që kur kish pranuar të linte shkollën në moshën 15 vjeçare e të lidhej me pilotin pesëmbëdhjetë vjet më të madh që e ndiqte mbas shkolle me helikopter për të impresionuar jo vetëm atë por tërë komunitetin , ajo kish vdekur që kur ju hoq e drejta të takonte shoqet e shkollës , ajo kish vdekur që kur u detyrua të jetonte në një vilë larg qytetit e pa kontakte shoqërore apo kur mbeti me barrë dhe dështoi e mbeti përsëri me barrë për t’u bërë nënë në moshë adoleshente . Në fakt ajo kish vdekur kur pas tërë këtyre ngjarjeve menjëherë pas vdekjes së saj shtypi e quante një çift ideal viktimë e grabitqarëve të huaj që bëjnë ç’të duan në Greqi kur grabitqari i vërtetë ishte pederasti fluturues . Po, po , pederast sepse po të kish qënë ndonjë ndërtues nga Shqipëria i tillë do të quhej një 30 vjeçar që detyron një fëmijë shkolle të braktisë shkollën , të privohet nga kontaktet me shoqërinë e moshës e të burgoset për të kënaqur deshirat perverse të tij por ai ishte pilot , grek dhe i pashëm dhe kështu u emërtua ” çifti ideal” ikona e viktimës së grabitësve të huaj që bëjnë ç’të duan pa pikë mëshire në Greqi .
