Nga ADÌ Nova
MOMENTO MORI
Në Romën antike shpesh në marshimet triumfale mbas luftrave fitimtare gjeneralët e sukseshëm mbanin pas vetes një skllav detyra e të cilit ishte tu përshpëriste në vesh e tu kujtonte që pavarësisht triumfit të momentit ai ishte thjesht një njeri , një i vdekshëm si gjithë të tjerët dhe duhej të mos t’a harronte atë asnjë moment .
( Repspice post te . Hominem te mometo) që përthyer do të ishte : kujdesu për pas teje ose pas vdekjes tënde dhe kujtohu që je thjesht njeri . Ku përmendja e njeriut qëndron për të mos thëne që nuk je Zot.
Sot kjo traditë romake përmendet e shkurtuar MOMENTO MORI në rastet kur politikanë të suksesshëm korrin një fitore në limitet e karrierës së tyre në kuptimin që në politikë duhet të jesh aq inteligjent sa të dish të tërhiqesh në momentin e përshtatshëm dhe të mos lejosh vetveten të mbërthesh karrigen me thonj e me dhëmbë duke u transformuar në një karikaturë të vetvetes .
Ky fakt mu kujtua duke ndjekur fjalimin e fitores së kryeministrit ose liderit të partisë socialiste . Shtrirja e dorës , kundërshtari nuk është armiku, bashkëpunimi me opozitën për çështjet kombëtare etj , etj fjalë që krijuan premisat e një zbutje të toneve të ashpra politike të krijon idenë se Edi Rama është i ndërgjegjshëm për të . Për më tepër kur dëgjon edhe bashkëpunëtorët e tij më të afërm që flasin për përfaqësues të shqiptarëve, shërbëtorë të gjithë popullit ,si atyre që i votuan ashtu edhe atyre që nuk i votuan bindesh se Edi Rama është i përgatitur për paqen politike mes palëve për t’i hapur rrugën një bashkëpunimi të gjerë në rang kombëtar në mënyrë që fitoret e ardhëshme ti konsiderojë si kombëtare dhe të mos e mbajë vetëm kurorën e triumfit .
Tërheqja e Fatos Nanos në kohë tregoi që edhe ai ishte i ndërgjegjshëm se nuk mund të ishte Zot , tërheqja e Berishës më 13tën është pak a shumë e njëjta gjë megjithëse ai preferoi të qëndronte në prapaskenë e të drejtonte që andej nëpërmjet zëdhënësit të tij .
Fjala e Ilir Metës është për t’u respektuar në këtë kuadër sepse gjatë fushatës ai u shfaq si protagonisti kryesor i opozitës duke vënë në siklet kryetarin aktual të saj ,se sa do e mbajë fjalën është tjetër gjë .
Do të doja shumë të shihja një reagim të kryetarit De Jure të opozitës ,jo më justifikimet e zakonëshme por një qëndrim kritik në mënyrë që të mos konsiderohet më si njeri pa personalitet duke filluar që nga tërheqja nga parlamenti , mos pjesmarrja në zgjedhjet lokale dhe në përgjithësi humbjet e vazhdueshme nën drejtimin e tij . Ai tashmë nga një politikan i emëruar si një punonjës institucioni po shndërrohet në një politikan pa jetë për të mos thënë me kauzë të vdekur .
Shqipëria nuk ka nevojë për opozitarë të emëruar por për opozitë ,Shqipëria nuk ka nevojë për trima që trashin zërin nëpër kanale televizive as për pistolero që qëllojnë sa shohin një makinë pa targë ose dikë që dyshojnë si kundërshtar . Këta trima janë fasada verbuese w një instrumenti që vetëm largon njerëzit nga partitë . Shqipëria ka nevojë për qytetari , për një opozitë të gatshme të kontribuojë në nivel ndërkombëtar për të mirën e vendit dhe të gatshme të informojë votuesit për gabimet e mundëshme të pushtetit, ka nevojë për njerëz të edukuar që i japin kuptim fjalës politikë sepse vetë fjala nënkupton qytetarinë .
MOMENTO MORI Lulzim Basha ,veç për ty kjo shprehje mund të përdoret pa kaluar asnjëherë nën harkun e triumfit .
