Pusteci, bashkia me potencial turistik konkretizon hapin për turizmin kulturor përmes metodave bashkëkohore të teknologjisë. Projekti IT Culture i financuar nga fondet INTERREG IPA CBC që vendosi në qendër zhvillimin dhe promovimin e destinacioneve turistike kulturore përmes mjeteve të multimedias dhe teknologjisë u realizua me sukses duke krijuar baza të qëndrueshme për turizmin në zonë. Fokusi ishte zhvillimi i dy bashkive fqinje asaj të Pustecit në Shqipëri dhe Grevenasë në Greqi duke bërë të aksesueshme atraksionet dhe pasuritë e tyre kulturore ndërsa tashmë vizitorët e kanë lehtësisht të mundur informacionin.
Gjatë projektit u realizuan disa hapa të rëndësishëm duke përfshirë ndërtimin e aplikacionit brenda të cilit gjenden shtigje dhe informacione për destinacionet e paeksploruara të Pustecit dhe që lehtësojnë udhëtimin e çdokujt. Vendosja e ekraneve dixhitale por edhe elementë të tjerë janë realizuar gjatë këtij projekti duke e bërë Pustecin një ndër bashkitë e para në Shqipëri që ka avancuar në ofrimin e shërbimeve bashkëkohore për turistët duke bërë të mundur që gjithçka të jetë më e lehtë falë teknologjisë. Falë këtij financimi Pusteci është një prej bashkive që i afrohet një hap më shumë standardeve të turizmit duke shtuar edhe shpresat për përmirësimin e ekonomisë për banorët dhe biznesin aty.
“The views expressed in this article do not necessarily reflect the views of the European Union, the participating countries and the Managing Authority”.
“Pikëpamjet e shprehura në këtë artikull nuk pasqyrojnë domosdoshmërisht pikëpamjet e Bashkimit Evropian, vendeve pjesëmarrëse dhe Autoritetit Menaxhues ”
“The Project is co-funded by the European Union and national funds of the participating countries”
“Projekti është i bashkëfinancuar nga Bashkimi Evropian dhe fondet kombëtare të vendeve pjesëmarrëse”
#NewsIn. Al
