-PYETE ZEMRËN!-
Ti humbe sërish, s’di ku…
Një rrudhë iu shtua mbi fytyrë liqenit,
Rrathët e pritjes u shpërhapën aty-këtu,
Relief i thyer nga lotët…
Andej nga bota jote, shihe në syrin e qiellit,
Mallin që pa ty, veten kërkon të mbys,
Me çdo sekond pritje, shohen rrudhat,
Zgjerohen në zemër rrathët e dhimbjes…
Do të qortojë poeti, rënd do të qortojë,
Për çdo rrudhë që pritja gdhend mbi liqen,
Gjëmimin do nxjerrë nga trupi i bronztë…
Pyete zemrën, gjeje udhën për tek unë!
-ARMENIDA-
(Maj 2022)
