Aktori i madh Pantelis Zervos përjetoi një dramë të vërtetë me familjen e tij gjatë tërmeteve të mëdha të vitit 1956 në Santorini.

Pas karrierës së tij brilante, aktori i paharruar mbarti një ngjarje tragjike që shënoi jetën e tij. Bëhet fjalë për humbjen e vajzës së tij 12-vjeçare në tërmetin shkatërrues të Santorinit të vitit 1956.

Në veçanti, korriku i vitit 1956 ishte shkatërrues për ishujt e Egjeut pasi ndodhën tërmete të mëdha. Fillimisht, një tërmet me magnitudë 7.7 ballë të shkallës Rihter ndodhi me epiqendër në jug të Amorgos. Pak minuta më vonë, një tjetër tërmet me magnitudë 7.2 ballë të shkallës Rihter ka ndodhur në Santorini.

Gruaja e Zervos ishte nga Santorini dhe së bashku kishin tre vajza. Në verën e vitit 1956, familja e tij ishte me pushime në Santorini. Ai nuk ishte me ta, sepse luante në Epidaur. Diku këtu është fillimi i dramës, që do të shënonte pjesën tjetër të jetës së tij. Tërmeti i vitit 1956, që rrafshoi ishullin, varrosi vajzën e tij të vogël, Eudoksoula, në moshën 12-vjeçare, nën rrënoja.

Gruaja e tij dhe dy vajzat e tjera arritën të dilnin nga shtëpia dhe shpëtuan. Atë mbrëmje, teksa po hynte në teatër, e ndaloi një i afërm dhe i tha: “…Eudoksula u vra”.

Ai doli në skenë dhe performoi duke i bërë njerëzit të qeshin. Kur mbaroi, u përkul, ata e shanë, u kthye në skenë, u përkul përsëri dhe pas aktit të tetë, kur hyri, i ra të fikët. Por drama vazhdoi. Kur u bë zhvarrimi tre vjet më vonë, u zbulua se vogëlushja ishte varrosur e gjallë! E kuptuan, sepse skeleti i fëmijës nuk ishte në shpinë, por anash dhe me gojë hapur. Ai me sa duket ishte plagosur dhe kur erdhi në mendje, tentoi të merrte frymë, por vdiq nga mbytja.

Këtë sekret Pantelis Zervos e ka mbajtur përgjithmonë, qoftë edhe nga gruaja e tij. Këtë ai e ka rrëfyer pak para vdekjes së tij, në një intervistë: “Në ato ditë tragjike në ishull, këdo që tundnin dhe nuk lëvizte, e varrosnin.

Aktori i dashur u nda nga jeta më 23 janar 1982.

Viki Jano_ Athinë

@NewsIn.Al