“Tallava” në objektet e kultit… – Objektet fetare si shtëpia e perëndisë kanë rregullat e tyre strikte.
Pas talljes së tallavaxhinjve Veshaj para ikonave në Muzeun e Artit Mesjetar në Korçë, tre vajza kanë hyrë gjysëm të zhveshura në kishë në Përmet!
Kisha e Leusës në Përmet, është një ndër më të bukurat dhe të vjetrat në Shqipëri. Por së fundmi, në rrjet ka shpërthyer zemërimi për veshjen e disa vajzave nga Tirana, të cilat kanë shkuar të vizitojnë këtë kishë.
“Objektet fetare si shtëpia e perëndisë kanë rregullat e tyre strikte. Shikoni si futen në kishën e Leusës një grup mendjelehtash madje bëjnë edhe filmime. Jo çdokush që vjen nga Tirana ka të drejtë të përdhosë shenjtërimin e institucioneve të kultit në Përmet. I keni vënë re turistët e huaj sa me mirësjellje e sa respekt tregojnë kur vizitojnë këto objekte? Ndaj kush i mban çelësat e kishës së Leusës le tu tregojë si fillim vizitorëve kodin e veshjes e pastaj t’u hapë derën”, shkruan faqja më e madhe në rrjet e përmetarëve, “Bashkësia Përmet”.
