Athinë 3 tetor 2021
U qëllua me plumb në kokë, vdes 39-vjeçari shqiptar në Greqi!
Sipas raportimeve të mediave greke, një 39-vjeçar shqiptar, pronar i një lokali, u qëllua nga një burrë i maskuar dhe me kapele, i cili iu afrua në këmbë pronarit që ishte jashtë kafenesë dhe po bisedonte me klientët.
Autori pasi qëlloi mbi shqiptarin, u largua me një makinë të bardhë që po e priste ndërkohë që tashmë po punohet për gjetjen e tyre.
Sipas Shqiptarja. com, viktima, i cili mësohet se quhet Keli, nga Tepelena, dyshohet se ishte pronar i kafenesë dhe atentati ndodhi jashtë biznesit të tij. 39-vjeçari, madje në lokalin e tij ftonte edhe këngëtarë të njohur shqiptar, me të cilët thuhet se kishte edhe miqësi për shkak edhe të punës që bënte.
Zona në atë kohë ishte e mbipopulluar dhe kishte shumë njerëz. Sipas dëshmive, autori e qëlloi viktimën të paktën gjashtë herë. 39-vjeçari shqiptar mori plumba në kokë dhe bark, dhe u transportua në gjendje të rëndë në spital, por ndërroi jetë si pasojë e plagëve të marra.
Sipas mediave greke, shqiptari është një emër i njohur për autoritetet greke pasi ishte me precedent të mëparshëm penal dhe dyshohet se vrasja ka ndodhur për larje hesapesh.
#NewsIn. Al
