Cristiano Ronaldo ofron hotelin e tij në Marok falas

Hoteli i Cristiano Ronaldos në periferi të Marrakeshit shërben si ‘strehë’ pas tërmetit në Marok

Situata në Marok është dramatike pas tërmetit. Të prekurit po kërkojnë dëshpërimisht strehim për të kaluar natën pasi kanë kaluar orë torturuese të dhimbshme, me shërbimet e urgjencës që bëjnë pak për të ofruar.

Të vdekurit pas tërmetit janë me qindra, po ashtu edhe të plagosurit, dhe frika se me kalimin e orëve numri mund të rritet.

Siç raportojnë mediat në Marok, “shumë sportistë treguan edhe një herë zemër të madhe në momentet më të vështira sociale. Pamjet e tërmetit të fuqishëm (me magnitudë 6.8 të shkallës Rihter), në të cilin humbën jetën më shumë se 1000 njerëz, bënë xhiron e botës dhe futbollistët morën pjesë në aksione bamirësie në këto kohë të vështira.

Në hotelin “Pestana C7 Marrakech” marokenët do të qëndrojnë derisa të sigurohet një akomodim tjetër.

Disa marokenë po kërkojnë një shtëpi të përkohshme në vende të sigurta në Marrakesh, përkatësisht në hotele të zbrazëta dhe shtëpi ku planifikohet të akomodohen banorët që kanë mbetur pa shtëpi.

Mediat globale, përfshirë edhe spanjolle Marca, shkruajnë se menjëherë pas fatkeqësisë natyrore, Cristiano Ronaldo kontaktoi kompaninë e tij dhe i dha vendit hotelin e tij për përdorim falas.

Në hotelin Pestana C7 Marrakech që ndodhet në periferi të qytetit, marokenët do të qëndrojnë derisa të sigurohet akomodim tjetër.

Përveç kësaj, ekipi i portugezit të famshëm do të ofrojë ushqime falas në restorantin e hotelit, i cili ka një vlerësim me katër yje dhe përfshin një palestër, kopsht, tarracë luksoze dhe bar.

Në aksionet bamirëse morën pjesë edhe anëtarë të kombëtares marokene. Sonte, ‘Luanët e Atlasit’ të njohur do të luanin me Liberinë në kualifikueset e Kupës së Kombeve të Afrikës, por ndeshja mesa duket është shtyrë.

Prandaj, lojtarët e udhëhequr nga Walid Regragui shkuan në qendrën mjekësore në Agadir për të dhuruar gjak për të lënduarit nga tërmeti i tmerrshëm”.

@NewsIn.Al