-ME VETE-
Të tjera udhë po marr me vete
Dhe kalldrëmet e lëmuar të fjalëve,
Në zemrën time shtrohen në çdo qoshe,
Qytetin e tërë të derdhin damarëve…
Do të kthehem unë sërish e sërish,
Për një mijë arsye që i dinë të gjithë,
Të një mijë e njëjtën, vetëm ti mund ta dish,
Tek pazari i vjetër krahëhapur do më presësh…
Të tjera udhë po marr me vete
Dhe male malli në re puthjesh mbuluar,
Zgjaten rrugët thellë brenda meje,
Çdo kalldrëm emrin tënd mban shtruar…
-ARMENIDA QYQJA
(Dhjetor 2021)
@NewsIn.Al
