Grimcë…
Në një kafe duke pritur një mik. Përballë kam një grua rreth të shtatdhjetave. I bie telefoni. Ajo e hap dhe flet me të bijën në Whatsup. Bërtet se me siguri nuk dëgjon mirë. I përshkruan të bijës se ç’kishte bërë një ditë më parë. Një rutinë e zakonshme për një grua 70 vjeçe. Mandej e bija i thotë se duhet të niset për në punë dhe se do ta marrë në telefon në darkë.
Telefonata mbyllet, por buzët e gruas së moshuar puthin pambarimisht ekranin e akullt të telefonit në përpjeken e dëshpëruar për të ndierë pakëz aromë bije.
Fut telefonin në çantë dhe lagështira e syve i njom fytyrën.
E shoh dhe besoj se trishtimi nuk mund të ketë pamje tjetër.
Elona Caslli
@NewsIn.Al
