Kur përdhoset busti i Aleksandër Moisiut, përdhoset historia dhe dinjiteti ynë kombëtar!
Si ka mundësi të ndodhë kjo?!
Është e turpshme dhe e papranueshme që busti i një prej figurave më të mëdha të kulturës shqiptare dhe europiane të përdhoset në hyrje të Universitetit të Durrësit. Aleksandër Moisiu ishte një emër që e bëri artin shqiptar të njihej përtej kufijve, një figurë që meriton respekt, nderim dhe mirënjohje.
Universiteti duhet të jetë tempulli i dijes, kulturës dhe qytetarisë, jo një vend ku simbolet e trashëgimisë sonë fyhen dhe poshtërohen.
Një komb që nuk respekton figurat e veta të mëdha, rrezikon të humbasë lidhjen me historinë dhe identitetin e tij.
Kërkohet përgjegjësi për këtë akt dhe respekt për trashëgiminë tonë kulturore. Liria nuk është liri për të përdhosur gjithçka që përfaqëson historinë dhe dinjitetin e një kombi.
Respekt për Aleksandër Moisiun. Respekt për kulturën. Respekt për kombin shqiptar!
@NewsIn.Al
