Ne nuk gjykojmë historinë …ne duam ta kujtojmë dhe vleresojmë atë!
Në vitet 1916-1918 në asnjë qytet ku banonin shqiptarë nuk valvitej askund flamuri i Skënderbeut, veç se në Korçën tonë.
– Në asnjë qytet tjetër pushteti vendor dhe shërbimet publike ndaj popullatës nuk i kryente asnjë administratë shqiptare, veç Korçes tonë.
– Në asnjë qytet tjetër të Shqipërise nuk këndohej lirisht si në Korçën tonë, himni kombetar dhe në shkollë mësohej gjuha e ëmbël shqipe.
Ja keto, e shumë te tjera, janë fakte e rrethana që na bëjnë ne, pasardhësit e atyre burrave të mënçur e atdhedashës, që të qënit korçar, ta kemi një simbol krenarie për qytetin tonë. ..
Asgjë nuk është e rastësishme…105 vite më parë, a nuk ishte një Republikë më vete Korça? A nuk është edhe sot “më vete” Korça me kulturën, edukatën dhe qytetërimin e saj???
Nuk është e thënë që të të kuptojnë të gjithë e kjo është normale…dhe nese kjo normale “e pakuptimte” tejkalohet, përsëri ti thua që është normale…
Një proverb francez thotë se ” më e mira është shpesh armiku i së mirës”. Është mjaft e vërtetë, por njeriut nuk i duhet e mira, i duhet shumë e mira…e kjo është arsyeja e përparimit të njerëzimit…
Thonë se nga kërkesa për të qënë më e mira Korçës i thonë “Paris i vogël”…
Prandaj sot llafet dhe llafkat, teoritë dhe teoriçkat, partitë dhe partiçkat, patrotçinjtë dhe patriotkat i dëgjojmë, qeshim dhe me muzikën jetojmë…
#NewsIn. Al
