I vetmi i mbijetuar i grupit 10 anëtarësh të terroristëve që shkaktuan gjakderdhje dhe masakër në rrugët e kryeqytetit francez në vitin 2015, nuk apeloi vendimin në të cilin u dënua me burgim të përjetshëm për masakrën në Bataclan . Kjo, siç raportohet nga Gjykata e Apelit të Parisit, përjashton mundësinë e një gjykimi të dytë.
Një gjykatë franceze muajin e kaluar e shpalli Salah Abdeslam fajtor për terrorizëm dhe vrasje. Nëntëmbëdhjetë të pandehur të tjerë u shpallën fajtorë për ndihmë dhe nxitje në sulmet e 13 nëntorit 2015 që synonin vendin e koncerteve Bataclan, baret dhe restorantet në kryeqytetin francez dhe Stade de France, stadiumi kombëtar i Francës.
Në një deklaratë të Gjykatës së Apelit të Parisit thuhet se asnjë nga 20 të dyshuarit nuk e ka apeluar vendimin.
Burrat u dënuan muajin e kaluar pas një gjyqi 10-mujor në të cilin Abdeslam iu dha dënimi më i ashpër në vend pa mundësinë e lirimit me kusht.
Provokues në fillim të gjyqit, Abdeslam e kishte deklaruar veten një “ushtar” të Shtetit Islamik që mori përgjegjësinë për sulmet, por më vonë u kërkoi falje familjeve të viktimave.
Me informacione nga APE-MPE
@NewsIn.Al
