Deputeti demokrat Enkelejd Alibeaj, përmes një postimi në rrjetet sociale, ka publikuar një kërkesë që ka depozituar në Kuvend, në emër të Grupit Parlamentar të PD, lidhur me zhvillimin e një debati në seancën e së enjtes, ku pritet të votohen dekretet e Presidentit Bajram Begaj për ndryshimet në Qeveri.
“”Asnjë deputeti, – thotë neni 46 i Rregullores, “që dëshiron të diskutojë për një cështje të rendit të ditës, nuk mund t’i hiqet e drejta e fjalës. ”
Është e qartë se kreu i qeverisë dhe marionetat me të cilat ai lëviz fijet e pushtetit i tremben debatit, përballjes me faktet dhe të vërtetën.
Është po kaq e qartë se Edi Rama dhe makiazhi i qeverisë së tij nuk bindin më askënd në Shqipëri. Madje as me besnikët e tij. Ndryshe nuk ka si shpjegohet që në këtë krizë të thellë që ka përfshirë Shqipërinë në vend të përballjes me faktet, me problemet dhe hallet e përditshme, shqiptarëve u ofrohen debate shterpë që i interesojnë vetëm klaneve të etura për pushtet brenda PS-së”, shkruan Alibeaj.
Robert Jano
@NewsIn.Al
