Pse duhet të largohen nga drejtimi profesorë si Marku? Si ka mundësi që kësaj politike nuk mundet ti rezistojnë zërat dhe mendimi i lirë?
A është dorëheqja e profesor Markut, një vazhdimësi e dorëheqjes së dretjuesve kryesorë te P.D në Korçë? Çfarëdo përgjigje që të ketë, refreni është i njëjtë: Mungesa e demokracisë, brenda partisë që duhet të mbajë flamurin e saj!
Dorëheqja lajmërohet sot në një shkrim për “Panorama”. I zgjedhur si deputet pasi drejtoi fushatën e PD-së në Lezhë, Marku është tejet i qartë në arsyet e dorëheqjes, që kanë të bëjnë të gjitha në vizionin e opozitës.
“PD po shndërrohet në një parti që mbron interesat personale të dy liderëve të vet, Berishës dhe Bashës, të një grupi të ngushtë drejtuesish të PD-së dhe ndoshta edhe të disa prej deputetëve të saj duke i tradhtuar interesat e atyre që e kanë mbështetur me aq mund, përkushtim e sakrifica”…
Mark Marku shprehet se do të dorëzojë mandatin e deputetit, nuk do të shkojë në Kuvend, dhe nuk do të paraqitet as në Këshillin Kombëtar të PD, ku do të zgjidhet kryesia dhe drejtuesit e rij të demokratëve
Sido që të jetë reagimi politik pas dorëheqjes së profesorit, në raste të tilla ajo që humbet është vetë politika dhe shpresa e njerëzve që në parlament mos shohin produktin e dhuruar nga Basha në 2019, pas largimit nga parlamenti.
#NewsIn. Al
