Salianji kundër Berishës: Ramën do e rrëzojë SHBA, SPAK dhe energjia e demokratëve që duan ndryshimin

Ish-deputeti i Partisë Demokratike, Ervin Salianji ka dalë hapur kundër qëndrimit të ish-kryeministrit Sali Berisha lidhur me rolin e faktorëve ndërkombëtarë dhe drejtësisë, për atë që opozita ka qëllim të saj primar, largimin e kryeministrit Edi Rama dhe të qeverisë së tij.

Ndryshe nga Berisha, i cili ka deklaruar në disa dalje publike se Ramën “nuk e largon as SHBA dhe as SPAK”, Salianji theksoi se presioni amerikan, hetimet e drejtësisë dhe energjia e opozitës janë faktorët që do të çojnë në ndryshim politik në vend.

Salianji tha se opozita dhe PD duhet të bashkëpunojnë me ndërkombëtarët, veçanërisht SHBA-të për të marrë fatet e saj në dorë.

Qeveria e ka kapur për fyti Shqipërinë dhe politikën. Rrinë sot të strukur nga drejtësia, një sistem që e ka humbur lidhjen me realitetin, që e ka degraduar politikën dhe shtetin.

Falë punës së SPAK, qeveria po i humb pjesët e saj një dhe nga një. Por drejtësia ngre vetëm akuza, politika i propozon dhe jep zgjidhjet dhe ne do t’i japim zgjidhje. Zgjidhjet kalojnë ose në sheshe dhe në fund në çdo rast në kutitë e votimit dhe aty duhet të frymëzojmë njerëzit.

@NewsIn.Al