Studiuesit studiojnë ndikimin e sheqerit tek bletët
Kemi lajme këtë mëngjes. Studiuesit kanë zbuluar se njerëzit janë pak si bletët. Këto insekte ndajnë tiparin njerëzor për të marrë një ”shtytje” nga sheqeri.
Clint Perry është një studiues në Universitetin Queen Mary të Londrës. Ai dhe një kolegu i tij menduan nëse sheqeri i bën bletët të ndihen më mirë njësoj si ne.
Më poshtë do të lexojmë rreth deklaratës së Perryt mbi këtë studim.
”Insektet nuk janë makineri të ngurta jo inteligjente. Një bletë e ka trurin në madhësinë e një fare susami. Por ato kanë gjendje të ngjashme emocionale me ne”
Emocione si optimizmi, që është ajo që Perry dhe ekipi i tij panë pasi u dhanë bletëve ujë me sheqer. Bletët u bënë më aventureske dhe u shëruan më shpejt pasi ishin lënduar.
”Në të egër, bletët ushqehen me lule për nektar. Dhe, ndonjëherë, merimangat presin në këto lule dhe i sulmojnë ato. Dhe kështu kemi zhvilluar një sulm të simuluar në laborator. Dhe bletët që morën një pikë të vogël saharoze para se të sulmoheshin filluan të kërkonin ushqim përsëri shumë më shpejt. Duket sikur ai shtim i sheqerit u dha atyre më shumë qëndrueshmëri.”
Perry beson se ky nuk është vetëm një nivel i lartë i sheqerit. Ai thotë se bletët nuk treguan shenja të hiperaktivitetit pas trajtimeve të sheqerit. Përkundrazi, ato iu përgjigjën një sërë testesh në një mënyrë më të sigurt dhe pozitive.
”Ato po tregojnë një lloj gjendje optimiste. Tani, nëse ata janë të vetëdijshëm për këtë gjendje është një pyetje krejt tjetër.
Bletët janë më të lumtura por mund të mos dinë nëse janë më të lumtura, gjë që mund të jetë për më të mirën. Siç thotë dhe një shprehje e vjetër, nëse mendoni se jeni të lumtur, nuk jeni.”
